Nakabsan sa kinabuhi ang duha ka piloto human mibangga ang usa ka eroplano sa Air Canada Express sa usa ka fire truck sa runway sa LaGuardia Airport sa New York niadtong gabii sa Marso 22, 2026.
Nahitabo ang insidente samtang nag-landing ang Flight AC8646 gikan sa Montreal, nga gidumala sa Jazz Aviation, mga alas-11:40 sa gabii. Sakay sa ayroplano ang 72 ka mga pasahero ug upat ka crew nga tanan naluwas, bisan pa man kung ang uban kanila nakasinati og mga minor nga samad.
Dali nga gisirad-an ang tugpahanan ug nagpagawas og ground stop ang Federal Aviation Administration (FAA), nga miresulta sa pagkakanselar o pag-divert sa sobra sa 500 ka mga flights paingon sa JFK ug Newark airports.
Grabe ang pagkaguba sa cockpit sa ayroplano, samtang giimbestigahan pa sa FAA ug National Transportation Safety Board (NTSB) kon nganong anaa ang nahisgutang fire truck sa runway sa oras sa pag-landing.
Kini nga trahedya naghatag og dako nga kahasol sa liboan ka mga pasahero ug giila nga usa sa labing grabe nga insidente sa LaGuardia sa niaging mga tuig. Padayon pa ang imbestigasyon aron matino kon operational error, miscommunication, o uban pang mga hinungdan ang nahimong rason sa panagbangga.
Photo courtesy: The New York Times
