Giduso ni Senador Mark Villar sa senado ang mas lig-on nga polisiya batok sa rabies atol sa pag-obserba sa Rabies Awareness Month. Gihatagan niini ug gibug-aton nga ang rabies nagpabilin nga seryoso nga hulga sa panglawas sa publiko.
Gipasabot sa senador nga bisan unsang pinaakan o garas sa mananap mamahimo gilayung magpabakuna ug ang mga nanag-iya sa hayop ang responsable niini. Gani, subay sa datos nga iyang gikutlo mokabat sa 300 ngadto sa 400 ka Pilipino ang mamatay sa rabies matag tuig, samtang upat ka milyones ang natala nga pinaakan sa mga hayop.
Nassayran nga ang Pilipinas anaa sa ika-unom sa tibuok kalibutan sa rabies incidence, diin 95% sa mga kaso sa 2025 nga naglambigit sa wala pa nabakunahan nga hayop o wala mahibal-i ang vaccination status.
Kabahin niini, gisubli ni Villar ang iyang suporta sa duha ka mga lakang nga gisang-at sa Senado aron mas masulbad ang rabies problema sa nasud. Kahibaloan nga ang paspas nga pagtaas sa kaso sa pinaakan nakahatag og pressure sa mga pasilidad sa panglawas.
Photo Courtesy: One Health Laboratory Network
