Mopatuman ang Department of Transportation (DOTr) og duha ka buwan nga toll discount alang sa Public Utility Vehicles (PUVs), buses, ug freight trucks o logistic vehicles sugod niadtong adlaw nga Lunes, Marso 23 hangtod Mayo 22, 2026.
Kini usa ka sinemana nga rebate alang sa mga kwalipikado nga mga sakyanan nga adunay RFID aron maminusan ang pagtaas sa presyo sa gasolina. Naglakip kini sa mga jeepney (Class 1), bus (Class 2), ug mga trak (Class 3).
Ang kantidad sa diskwento o rebate para sa Class 1 (Jeepneys) makadaginot ug hangtod sa Php18 matag end-to-end nga biyahe.
Alang sa Class 2 (Buses), hangtod sa Php47 matag biyahe ug sa Class 3 o Trucks, hangtod sa Php72 matag biyahe.
Ang diskwento ihatag pinaagi sa sinemana nga rebate sa RFID accounts sama sa Easytrip. Kinahanglan lang nga magparehistro ka sa Land Transportation Franchising and Regulatory Board (LTFRB) ug kinahanglang dili moapil sa ubang toll discount programs.
Kini nga lakang maoy tubag sa gobyerno sa padayong pagsaka sa presyo sa petrolyo taliwala sa tensyon sa Middle East.
Photo Courtesy: Philkotse
