Nagpahigayon og outreach program ang Philippine Army ubos sa “Army Cares” aron matabangan ang mga katawhan, ilabi na ang nawad-an og trabaho, sumala ni Lt. Col. Tony Bugawan atol sa pag-interview niini sa Juander Radyo News Team sa maong kalihukan didto sa Compostela, Davao De Oro, niadtong nakalabay nga adlaw.
Gipahayag niya nga dako na ang kausaban sa kasundalohan karon, diin mas disiplinado na ang mga sundalo ug dili na tugotan ang mga paglapas tungod kay adunay kaakibat nga imbestigasyon ug silot.
Dugang pa niya, ang recruitment sa Army mas istrikto na ug maampingon ang pagpili sa mga sundalo. Ang mga adunay problema o makasala dili pasagdan ug ginapahamtangan dayon og hustong aksyon.
Busa, nagpadayon ang Philippine Army sa pagpalig-on sa disiplina ug pagsalig sa publiko.
Photo Courtesy: 10th CMO “Kalinaw” Batallion, CMOR Philippine Army
