Gipaniguro ni City Tricycle Franchising and Regulatory Board (CTFRB) Chairperson ug Vice Mayor Melvin Jun Lamata Jr., nga masunod ang Fare Matrix nga naaprobahan sa syudad kon ugaling mopausbaw og pletehan ngadto sa mga tricycle sa dakbayan.
Sumala pa ni Lamata, nga posibleng anaa sa 2 hangtod 4 pesos ang usbaw sa pletehan sa syudad, depende na usab sa ipagawas nga resolusyon sa Mayor.
Gawas niini, gipasabot usab ni Lamata nga ang taripa sa syudad dili dayon mahimong epektibo kung mosaka ang presyo sa gasolina tungod kinahanglan pa kining e-monitor sa CTFRB sulod sa 15 kaadlaw ug kung dili mobaba ang presyo sa gasolina, dinhi na morekomendar ang CTFRB ngadto sa Mayor alang sa posibleng fare hike.
Kahinumduman, nisugod ang ilang pagmonitor niadtong Marso 9 hangtod karong adlawa Marso 24, 2026, kung asa gilauman nga adunay panagtigom nga pagahimoon ang CTFRB alang sa posibleng fare hike sa syudad.
