Gilunsad sa unang higayon ang long-range ballistic missiles sa Iran niadtong Marso 21, sukad nagsugod ang gubat, sumala sa mga opisyal sa Israel. Ang paglunsad nagpalapad sa peligro sa mga atake gawas pa sa rehiyon sa Middle East.
Gipahibalo ang paglunsad sa duha ka missiles nga adunay gilay-on nga 4,000 kilometro ug gidirekta ngadto sa US-UK military base sa Diego Garcia sa Indian Ocean. Ang klase sa long-range missiles makaabot sa mga European capital cities sama sa Berlin, Paris ug Rome, nga nagpakita sa mas lapad nga abot sa maong high powered nga armas.
Ang Iranian Revolutionary Guards mitumong sa mga military installations ug seguridad nga mga sentro sa southern Israel uban sa mga missile strikes, samtang naapektuhan usab sa mga missile ang mga lungsod sa Dimona ug Arad duol sa nuclear facility. Daghang tawo ang nasamdan sa maong pag-atake.
Usa ka source sa British defense ministry misulti nga nahitabo ang atake sa wala pa ihatag ang opisyal nga otorisasyon sa US sa paggamit sa mga British military bases alang sa pag-atake sa mga missile sites sa Iran.
Photo Courtesy:WION
