Nagpagawas og kamanduan ang FIFA nga ang tanang mga babayeng koponan sa mga world tournament kinahanglan aduna nay babaye nga head o assistant coach.
Ang bag-ong sumbanan giaprobahan na sa FIFA Council. Mahimo kining epektibo sa mga kompetisyon sa nasudnon ug club level, sa senior ug youth categories. Lakip usab niini ang 2027 Women’s World Cup nga ipahigayon sa Brazil, ingon man ang Under-20 Women’s World Cup sa maong nasud.
Gawas sa mga babayeng head o assistant coach, kinahanglan usab nga adunay presensya sa usa o kapin pa nga babayeng staff sa matag bench.
Sumala ni FIFA Chief Football Officer Jill Ellis, kinahanglan na nga sugdan sa mga nasud ang pagkuha og mga babayeng coach sa football. Niadtong 2023 World Cup, adunay 12 lang ka babayeng coach gikan sa kinatibuk-ang 32 ka teams.
Photo courtesy: The Japanese Times
