Nipagawas ang Bureau of Internal Revenue o BIR og bag-ong lagda alang sa 12 porsyento nga VAT exemption sa kuryente nga gikan sa domestic natural gas.
Gipatuman na sa BIR ang Republic Act 12120, o ang Philippine Natural Gas Industry Development Act. Ubos niini, ang pagpalit ug pagbaligya sa lokal nga natural gas—sama sa makuha gikan sa Malampaya—wala na’y bayad nga 12 porsyento nga VAT.
Tumong niini nga palambuon ang kaugalingong enerhiya sa nasud ug maminusan ang pagsalig sa imported nga gasolina. Matod sa Meralco, gilauman ang pagkunhod sa bayranan sa kuryente sa mga konsumidor. Apan giklaro nila nga ang deduction dili makita sa generation charge, kundi didto mismo sa VAT portion sa bill.
Nanginahanglan na lang og sertipikasyon gikan sa Department of Energy ang mga gas supplier ug power plants aron hingpit nga mapahimuslan kining tax incentive.
Sa pagkakaron, ang Malampaya gas field naghatag og baynte porsyento sa kuryente sa tibuok Luzon.
Photo courtesy: Business World
