Viral pag-usab sa social media ang usa ka daan nga video ni Vice Ganda sa segment nga Expecially For You sa It’s Showtime, diin iyang giingon nga dili dapat magbuhat ug pamilya kung wala kay kwarta.
Sa video, gi-emphasize niya nga lisod kaayo ang kinabuhi kung dunay bata nga dili nimo kaya buhion. Iyang giingon nga ang matag usa responsable sa iyang kaugalingon, dili ang gobyerno o ang uban.
Daghang netizens ang mi-react sa video, nga niani ug lain-laing opinyon sa mga tigulang ug sa mga batan-on. Ang uban niuyon nga tinuod kini, labi na karon nga krisis og mahal ang mga palaliton, kinahanglan hunahunaon sa makadaghang higayon sa dili pa magsugod og pamilya.
Apan duna usab wala nakauyon ug nisupak sa baruganan ni Vice Ganda diin gikwestyon siya kung nganong hangtod karon wala pa kini anak o pamilya bisan sapian na.
Photo Courtesy: Vice Ganda Network
