Balhog sa prisohan ang usa ka lalaki human magdala og hait nga hinagiban sa usa ka lotohan sa lungsod sa Glan niadtong nakalabay nga adlaw.
Ang dinakpan nailhan nga si alyas “Juswa,” 28-anyos ug residente sa Pacman Village, Brgy. Cablalan, Glan. Sumala sa inisyal nga report, usa ka babaye nga trabahante sa lotohan ang nangayo og tabang sa kapulisan human ang suspek nag-inisog ug nangitag gubot samtang nagdala og kutsilyo.
Sa pag-abot sa mga kapulisan, nakaikyas na ang suspek padulong sa Brgy. Kapatan. Apan tungod sa CPAC checkpoint ug koordinasyon sa kapulisan, nasuta ug napahunong ang sakyanan nga iyang gisakyan nga usa ka silver nga Toyota Wigo, diin siya nadakpan.
Sa pagkapkap sa iyang lawas, nakit-an ang usa ka plastic sachet nga ginadudahang shabu. Karon, nag-atubang siya og kaso nga alarm and scandal ug paglapas sa RA 9165 o Comprehensive Dangerous Drugs Act of 2002.
Photo Courtesy: Freepik
