Gipadayag sa Bangko Sentral ng Pilipinas nga ang pag-ubos sa peso tungod sa pagmahal sa petrolyo, bugas, harina, ug electronics nga makaapekto usab sa utang sa gobyerno nga naka-dollar.
Kalabot niini, tungod sa mahal nga presyo sa gasolina, gi-anunsyo ni Presidente Ferdinand Marcos Jr. nga dugangan ang ayuda sa mga drayber ug transport workers human ipahunong ang naka-approve nga fare hike. Ang gobyerno nagsugod na sa paghatag og Php5,000 cash aid sa mga PUV drivers aron matabangan sila sa mahal nga presyo sa gasolina.
Gisiguro usab sa gobyerno nga aduna gihapon suplay sa petrolyo ug pagkaon. Dugang ni PBBM nga nangita sila og paagi aron maminusan ang presyo sa pagkaon, samtang sa petrolyo, gipunting nga masiguro ang suplay bisan lisod kontrolon ang presyo tungod sa global oil market.
Ang mga pamilya sa OFWs makabenepisyo sa pag-ubos sa peso kay makadawat sila og daghang peso kada dolyar nga ipadala sa ilang mahal sa kinabuhi, pero posible nga makaapekto kini sa presyo sa pagkaon ug palaliton sa umaabot panahon kung dili ma-monitor sa gobyerno.
