Gipaila sa publiko ang usa ka bag-ong teknolohiya nga gitawag og MUA Remote Kissing Device nga gidisenyo alang sa mga magtiayon o managuyab nga anaa sa long-distance relationship (LDR).
Gihimo sa Chinese engineer nga si Zhao Jianbo, ang maong kagamitan naggamit og silicone nga ngabil nga ikonektar sa smartphone.
Nasangkapan kini og mga sensors nga mokuha sa pressure, lihok, ug temperatura sa halok sa naggamit niini.
Ipadala ang maong impormasyon pinaagi sa usa ka mobile application ngadto sa laing device diin sundon sa artipisyal nga ngabil ang eksaktong lihok sa halok sa tinuod nga oras.
Tumong sa maong imbensyon nga walaon ang kamingaw sa mga nagkalagyong pares pinaagi sa paghatag og pisikal nga koneksyon gamit ang teknolohiya.
Samtang daghan ang nakurat sa maong ideya, nahimo kining viral sa tibuok kalibutan sukad pa kini gilusad kaniadtong tuig 2023.
Photo Courtesy: Watercooler
