Gipahigayon ang libreng bakuna sa mga iring ug iro matag Purok sa 40 ka barangay sa dakbayan sa Kidapawan aron mapugngan ang pagkaylap sa rabies ug uban pang sakit sa hayop karung bulan sa Marso.
Mao kini ang gipahibalo ni Dr. Eugene Gornez, opisyal sa Office of the City Veterinarian, sa pakighinabi sa Juander Radyo Kidapawan News team.
Dugang ni Dr. Gornez nga ang kampanya nagtumong sa pagprotektar sa kahimsog sa komunidad ug sa paglikay sa pagkaylap sa rabies.
Gi-awhag usab niini ang tanang tag-iya sa hayop nga ipaubos ang ilang iring ug iro sa bakuna ug regular nga veterinary check-up.
Ang bakuna sa hayop usa ka lakang aron masiguro nga luwas ang katawhan ug ang ilang mga giatimang hayop gikan sa mga delikadong sakit.
Photo Courtesy: The Bali Sun
