Usa ka estudyante sa China nga bag-o lang nadawat sa kolehiyo ang nakapukaw og dakong atensyon sa social media human niyang gipakita ang kadaghan sa iyang mga study materials nga iyang gigamit sa iyang pag-eskwela.
Sa iyang gipost, makita ang usa ka dako kaayong tapok sa mga notebook, nga gibana banang liboan ka mga practice sheets, ug mga daang exam papers nga iyang napuno sa sulod sa pila ka tuig. Nakurat ang daghang netizens sa kadaghan sa iyang gihimo ug sa oras nga iyang gigahin alang sa pagtuon.
Nagpakita kini sa grabe nga pressure nga giatubang sa mga estudyante sa nasud, ilabi na sa pagpangandam para sa Gaokao, nga giila nga usa sa pinakalisod nga college entrance exam sa kalibutan. Ang maong eksaminasyon maoy dakong basehan sa kaugmaon sa usa ka estudyante sa edukasyon ug karera.
Adunay mga mi-dayeg sa estudyante tungod sa iyang kakugi, disiplina, ug determinasyon. Apan adunay usab mga nagpahayag og kabalaka, ilabi na sa kabug-at sa sistema sa edukasyon nga nagkinahanglan og daghang oras sa pagtuon ug pagsag-ulo aron molampos
Photo Courtesy: Mechanical Engineering World
