Personal nga gitambongan ni Fire Chief Superintendent Junito F. Maslang, DSC, Regional Director sa Bureau of Fire Protection Region XI ang gipahigayon nga Memorandum of Agreement (MOA) signing tali sa Bureau of Fire Protection ug Davao Oriental State University (DOrSU) nga girepresentahan ni Dr. Roy G. Ponce, SUC President III.
Ang maong kalihokan nagtimaan sa usa ka hinungdanon nga milestone tali sa Bureau of Fire Protection ug Davao Oriental State University, ilabina alang sa mga tinun-an sa Bachelor of Science in Criminology nga nagsilbing giya kinila alang sa ilang internship nga programa o on-the-job training.
Dugang pa, kini nga lakang naghatag ug kahigayonan sa mga estudyante nga makaangkon og praktikal nga kahibalo ug kahanas nga mag-andam alang sa umaabot nga serbisyo ngadto sa publiko.
Kabahin niini, misalmot usab sila Fire Chief Superintendent JOYCELYN HERNAEZ-GRANT, Provincial Fire Marshal, ug FSINSP ELIZABETH D CAPIÑA, Acting City Fire Marshal sa Mati City Fire Station, diin ang ilang partisipasyon nagpakita sa suporta sa pagpalambo sa mga programa sa BFP.
