Naguba ang center island sa traffic light crossing DOrSU sa Brgy. Dahican, Mati City, Davao Oriental human kini nabanggaan sa Wing van pasadod alas 8:20 sa buntag adlaw nga Marso 19, 2026.
Subay sa pakigsusi sa Juander Radyo Mati sa driver sa maong sakyanan nga si Keven Villases, nasayran nga nagmalfunction ang brake sa sakyanan hinungdan nga iya na lang kining gibangga sa center island.
Hinuon, luwas ra ang driver ingon man walay nadamay sa maong panghitabo.
Padayun nga nagpahimangno ang mga otoridad ngadto sa publiko nga mag-amping kanunay sa dalan ug musunod sa mga balaod sa trapiko aron nga malikayan ang mga disgsrasya sa kadalanan.
