Dili pa mosulod sa lovelife ang batan-ong boksingero nga si Eman Pacquiao samtang nag-focus sa iyang karera sa boxing ug showbiz.
Sa usa ka interview, gibutyag ni Eman nga prioridad niya karon ang pag-abot sa iyang damgo nga mahimong world champion, uban sa padayon nga pagdasig gikan sa iyang amahan nga si Manny Pacquiao. Ang kanunay nga pahimangno sa iyang amahan: mag-ampo ug magpabiling disiplinado.
Sa pagkakaron, wala pa siyay klarong desisyon kung mopirma ba siya sa Top Rank Promotions nga gimandoan ni Bob Arum, ug giingong “secret” pa ang detalye niini.
Gawas sa boxing, aktibo usab siya sa showbiz human mopirma og kontrata sa GMA Network ug nahimong endorser sa IAM Worldwide.
Bag-o lang usab nakab-ot ni Eman ang usa ka dako nga kadaugan human niya gipildi si Reynold Kundimang sa ika-upat nga round sa ilang laban sa Tagbilaran City.
Bisan gi-link siya sa aktres nga si Jillian Ward, klaro ang iyang baruganan unahon sa ang iyang mga pangandoy ug pag-alagad sa Ginoo.
Matod pa niya, “Mag-ampo lang ug ayaw pag-undang sa inyong mga damgo.”
Photo Courtesy: Fastbreak
