Gipahibalo ni Terminal Administrator Ahmed Cuizon kagahapon, nga anaa na sa 49.12 porsyento nga nahuman ang pag-espalto sulod sa Cebu South Bus Terminal (CSBT). Diin human sa pag-aspalto, kompletuhon na usab ang drainage works sa terminal.
Subay niini, nakabalik na sab og biyahe ang mga Vans-for Hire (V-Hire) human nga naespalto na ang mga libaong sa terminal.
Nagkanayon si Cuizon nga sa iyang tan-aw, nga sa dili pa magsugod ang Semana Santa, mahuman na ang maong proyekto sa terminal ug mas hapsay na ang pagbiyahe sa mga pasahero nga moagi sa maong terminal.
Kahinumuman nga temporaryo nga gipa-loading ug unloading sa Taboan area ang mga v-hires atol sa pagdapat sa mga aspalto sa terminal.
Gisugdan ang asphalting ug drainage works sa terminal human giaprubahan ang Php12 milyones nga proyekto.
Sa nasayran, gipahibalo nang daan sa management nga nalangay ang pagpatuman sa proyekto tungod sa nag sunod-sunod nga dili maayong kahimtang sa panahon. Samtang, personal nga gisusi ni Cebu Governor Pamela Baricuatro ang gitrabaho sa terminal kagahapong adlawa.
