Gipahigayon sa IGACOS City Jail ang quarterly drug testing ug joint greyhound operations niadtong nakalabay nga adlaw.
Sumala sa pamunuan, ang drug testing gihimo alang sa tanang personnel, BJMP Auxiliary, ug Persons Deprived of Liberty (PDL) uban sa tabang sa City Anti-Drug Abuse Council (CADAC).
Ang resulta nagpakita og 100% negatibo, nga nagpasabot nga walay nakit-ang presensya sa ilegal nga droga sa pasilidad.
Gipahayag nga nasangpit nga kalampusan isip ebidensya sa padayon nga kampanya sa jail facility aron mapabiling drug-free ang ilang palibot ug makatampo sa kalinaw ug kahusay sa Island Garden City of Samal.
Dungan usab sa maong kalihokan, gipahigayon ang joint greyhound operations aron maseguro nga walay kontrabando sulod sa pasilidad.
Nahiusa sa operasyon ang Philippine National Police (PNP-IGACOS), Bureau of Fire Protection (BFP-IGACOS), ug Philippine Drug Enforcement Agency (PDEA Davao del Norte).
Padayon ang IGACOS City Jail sa ilang misyon nga mapadayon ang disiplina, kaluwasan, ug kahapsay sa sulod sa pasilidad isip kabahin sa ilang serbisyo sa komunidad.
Photo Courtesy : BJMP – IGACOS City Jail
