Patay nang napalgan ang usa ka 7-anyos nga batang lalaki human kini makit-ang naglutaw sa suba sa Purok 6, Barangay Lacarayan, Tigbao, Zamboanga del Sur, Marso 19, 2026.
Nakit-an ang patay’ng lawas sa biktima alas 2:30 sa hapon sa usa ka residente sa lugar ug dali kini nga gitaho ngadto sa kapulisan ug sa mga personahe Rural Health Unit aron masuta ug makuha ang patay’ng lawas sa bata.
Katapusang nakit-an ang bata nga nagdula sa gawas sa ilang balay alas 8:00 sa buntag niadtong Marso 18 nga gideklarar nga missing human wala na makabalik sa ilang panimalay, hinungdan nga gipangita sa pamilya.
Sa medical examination nga gihimo sa mga health personnel, namatikdan ang pipila ka bun-og sa iyang lawas ug posibleng nalumos hinungdan sa kamatayon niini.
Wala na gipailalom pa autopsy ang biktima, apan diin padayon ang gilunsad ang imbestigasyon ang kapulisan aron matino ang hinungdan sa kamatayon sa biktima.
