Gipahibalo sa City Government sa Pagadian City ang pagpahigayon sa usa ka public hearing kabahin sa gisugyot nga Schedule of Fair Market Values.
Ang kalihukan pangunahan sa City Assessment Department ubos sa Office of the City Assessor, subay sa Republic Act No. 12001 o RPVARA Law.
Gidapit ang mga miyembro sa media ug ang kinatibuk-ang publiko nga motambong sa maong hearing aron mahatagan og kahigayunan nga makahatag og opinyon ug suhestiyon kabahin sa pagtakda sa hustong bili sa mga yuta ug kabtangan.
Pagahimoon ang public hearing karong adlawa Sabado, Marso 21, 2026, gikan alas 1:00 sa hapon hangtod alas 5:00 sa hapon didto sa C3 Function Hall sa City Hall Complex Pagadian.
Sumala sa LGU Pagadian, importante ang partisipasyon sa publiko aron masiguro ang transparency ug hustong pagpatuman sa balaod nga may kalabotan sa real property valuation.
Dungan niini, gidasig sa City Government ang tanang sektor nga moapil ug maminaw sa maong kalihokan aron mahibaluan ang posibleng mga kabag-uhan.
Photo Courtesy: Linkedln
