Nasikop ang unom ka high-value targets human gibungkag sa hiniusang pwersa sa PDEA Region 11 ug kapulisan ang usa ka drug den sa Sitio Patulangon, Barangay Zone 1, Sta. Cruz, Davao del Sur.
Giila ang mga nasikop nga sila alyas KOL, (Drug Den Maintainer/ High Value Target), alyas JAS (Drug Den Employee/High Value Target) , alyas Lang-Lang ,(Drug Den Visitor/High Value Target) ,alyas RENZ (Drug Den Visitor/ High Value Target) ,alyas MOC2X (Drug Den visitor / High Value Target) lakip si alyas MIKE ( Drug den visitor/ High Value target).
Sumala sa report, nakumpiska sa operasyon ang gibanabana 21.2 gramos sa ginadudahang shabu nga nagkantidad og ₱144,160, apil na ang mga gamit sa buy-bust ug possession. Narekober usab sa lugar ang nagkalain-laing drug paraphernalia ug buy-bust money nga giingong gigamit sa iligal nga kalihokan.
Pasakaan og kaso ang mga suspetsado tungod sa paglapas sa Republic Act 9165, lakip ang pag-operate sa drug den, pagbaligya ug pagpanag-iya og ilegal nga droga.
Padayon karon ang imbestigasyon sa mga otoridad aron matumbok ang ubang posibleng kauban sa maong drug network.
