Gikumpirma sa Department of Energy (DOE) nga moabot sa sunod semana ang gi-order nga 300,000 ka bariles sa diesel aron masiguro ang padayon nga suplay sa nasod. Matod ni Sharon Garin, kabahin kini sa paningkamot sa gobyerno sa pagtabang sa mga oil firms aron makakuha og dugang suplay sa petrolyo, ilabina sa panahon nga nagkagubot ang presyo sa global market.
Apan, gipasabot sa DOE nga ang maong gidaghanon sa diesel igo lamang sa duha ka adlaw nga konsumo sa tibuok nasod. Tungod niini, padayon gihapon ang ahensya sa pagpangita og dugang suplay aron malikayan ang posibleng kakulang sa umaabot nga mga semana. Gipasiguro usab sa DOE nga ang kasamtangang suplay sa petrolyo igo pa hangtod sa katapusan sa Abril.
Bisan pa niini, gi-awhag nila ang publiko nga magpabiling kalmado ug likayan ang pag-hoard sa fuel aron dili magmugna og artipisyal nga kakulang sa merkado.
Samtang nagpadayon ang paglihok sa presyo sa world market, gilauman nga mosaka na usab ang presyo sa diesel, gasolina, ug kerosene sa sunod semana, nga posibleng makaapekto sa transportasyon ug ubang sektor sa ekonomiya.
Photo Courtesy:Philippine News Agency
