Kung naa kay balay nga duol sa highway, kasagaran moreklamo ka kay saba. Pero sa China, naay usa ka lalaki nga ang highway na maoy tugkaran sa iyang balay.
Si Huang Ping, usa ka residente sa lungsod sa Jinxi, gibalibaran ang gobyerno nga paliton unta ang yuta nga gitukuran sa iyang balay kay himoon kini og kalsada. Bisan pa og gi-offeran siya og milyon-milyon nga kantidad ug kapuli nga mga property, nagpa-hard to get ang maong lalaki kay gusto pa gyud kini og mas dako nga bayad.
Apan imbes nga modugang pa ang gobyerno sa offer- ila na lang gihimoan og kalsada ang iyang balay.
Karon, si Huang nagpuyo na sa balay nga nahimutang mismo sa tunga sa highway, ug aron makagawas siya, kinahanglan pa moagi og dakong tubo—sama sa exit drainage system.
Matod pa niya, kung mabalik lang ang panahon, dawaton na unta niya ang offer- kay karon, sama sa napildi siya sa iyang “dakong pusta.”
Ang iyang balay nahimong tourist attraction, apan imbes kalipay, ang iyang bation, kasaba sa konstruksyon ug kabanha sa mga sakyanan nga halos tapad na sa iyang atop.
Busa ang leksyon sa istorya:
Kung makadawat kag offer nga sakto na, dawata na dayon—kay aron di ka magmahay sa ulahi, og mag-antos sa imong mali nga desisyon.
Photo courtesy: Oddity Central
