Wala makaporma ang Los Angeles Clippers batok sa New Orleans Pelicans human sila malubong og 15 puntos, 124-109.
Wala magsilbi ang 25 puntos, 8 rebounds, ug duha ka steal sa NBA star nga si Kawhi Leonard aron makuha ang daog, human sa gihimong grabeng comeback sa Pelicans.
Gihuptan pa sa Clippers ang 40-26 nga labaw sa pagtapos sa unang quarter, apan sa misunod nga tulo ka quarter, inanay nga gipapas sa Pelicans ang bintaha.
Gipangunahan ni guard Trey Murphy III ang Pelicans pinaagi sa iyang 23 puntos, 7 rebounds, ug 3 steal. Dako usab og natabang ang 25 puntos nga gihatag sa bigman nga si Saddiq Bey alang sa ilang pagpamawi.
Sa pagkakaron, naghupot ang Clippers og 34-34 nga win-loss record, samtang kini pa ang ika-34 nga daog sa Pelicans karong season.
Photo courtesy: NBA
