Nahimong makasaysayanon ang tandem nila Kathryn Bernardo ug Daniel Padilla human ang ilang serye nga 2 Good 2 Be True nahimong unang Filipino drama nga gi-broadcast sa free TV sa Middle East.
Sugod pa niadtong Pebrero 16, opisyal nang gi-air ang maong serye matag gabii sa Dubai One, usa ka English-language channel nga moabot sa mga panimalay sa Middle East ug North Africa.
Ang serye gi-dub sa English ug adunay Arabic subtitles aron mas masabtan sa international audience, ug mapan-aw matag adlaw alas-10 sa buntag ug alas-4 sa hapon.
Ang 2 Good 2 Be True nagsunod sa istorya sa gugma ni Eloy, usa ka mekaniko ug law student, ug ni Ali, usa ka nurse nga nangandoy mahimong doktor.
Sumala sa report, ang maong kalampusan nagpakita sa padayon nga pagdawat ug pagpalapad sa Filipino content sa international nga merkado, ilabi na sa rehiyon sa Middle East.
Photo Courtesy: philstar
