Usa ka amahan ang nag-viral sa social media tungod sa iyang talagsaong paagi sa pag-atiman sa iyang kambal nga mga masuso. Sa usa ka video nga mikaylap online, iyang gipadayag nga gibutangan niya og numero ang iyang mga baby aron dili na siya malibog niini.
Matod pa sa amahan, kasagaran gyud niyang malibugan ang duha ka bata tungod kay halos magkapareho kaayo ang ilang hitsura. Tungod niini, nakahunahuna siya niining yano apan epektibong solusyon.
Daghang netizens ang nalingaw ug nakatawa sa maong video, apan daghan usab ang naka-relate, labi na ang mga ginikanan nga adunay kambal. Alang sa uban, kataw-anan kini, apan alang sa amahan, usa kini ka praktikal nga pamaagi aron mas mapadali ang pag-atiman sa iyang mga anak.
Photo Courtesy:X
