Gipasidunggan ang Mati City Police Station isip Top 1 Municipal Police Station sa Class C Category, diin nakatala sa pinakataas nga accomplishment sa Simultaneous Anti-Criminality and Law Enforcement Operations (SACLEO) sa miaging semana.
Ang paghatag ug Certificate of Recognition gipahigayon atol sa Monday Flag Raising Ceremony didto sa Davao Oriental Police Provincial Office (DOPPO) Compound, Brgy. Dahican, dakbayan sa Mati.
Ang maong mga pasidunggog nagpakita sa padayon nga paningkamot sa kapulisan sa paghatag og epektibo ug matinud-anong serbisyo sa katawhan ug pagmintinar sa kalinaw ug kahapsay sa syudad.
Samtang nakadawat usab ug Letter of Commendation si PLt. Absarah M. Kansi, Chief WCPD ug ang tanang WCPD nga imbestigador sa Davao Oriental PPO, kini isip pag-ila sa ilang dedikasyon, kakugi, ug propesyonalismo sa pagtuman sa ilang katungdanan.
Photo Courtesy: Mati City Police Station
