Boluntaryong gi-turnover sa usa ka lalaki ngadto sa Mati City Police Station ang improvised nga armas nga gikan sa Barangay Bobon, Mati City, Davao Oriental niadtong Marso 16, 2026.
Ang nasangpit nga armas usa ka improvised caliber .22 (airgun) nga uban sa tulo ka buok nga bala.
Ang maong butang gilayong gikustodiya na sa maong estasyonan alang sa tukmang disposisyon. Samtang padayon nga gi-awhag sa Mati City Police Station ang publiko nga suportahan ang kampanya batok sa illegal nga armas pinaagi sa boluntaryong pag-turnover niini alang sa kaayuhan sa tanan.
Nagpabiling pasalig ang kapulisan sa pagmintinar sa kalinaw ug kahapsay sa komunidad ug sa pagpanalipod sa kinabuhi ug kabtangan sa katawhan.
Photo Courtesy: Mati City Police Station
