Nasikop ang usa ka 49-anyos nga lalaki nga giila isip Street Level Individual (SLI) human sa gipahigayong buy-bust operation sa mga otoridad didto sa Barangay Cambatong, Hinatuan, Surigao del Sur niadtong nakalabay nga adlaw.
Gipasiugdahan ang maong operasyon sa mga personahe sa Hinatuan Municipal Police Station ubos sa pagdumala ni PCPT Joey C. Monato, ang Acting Chief of Police, inabagan sa PDEA SDSPO batok sa maong suspetsado nga usa ka laborer ug residente sa nahisgutang barangay.
Nakuha gikan sa posisyon sa dinakpan ang duha ka sachet sa gidudahang shabu nga motimbang og kapin kun kulang 3 gramos ug adunay gibanabana nga kantidad nga Php20,400.00 base sa DDB market value, lakip na ang buy-bust money ug uban pang kagamitan.
Gipahibalo gilayon ang nasangpit nga suspetsado sa iyang mga katungod ubos sa konstitusyon ug kasamtangan na karong anaa sa kustodiya sa Hinatuan MPS alang sa tukmang disposisyon ug pagpasaka tukmang kaso.
Photo courtesy: istock
