Nasikop sa mga personahe sa Sibagat Municipal Police Station ang usa ka lalaki human nakuhaan og mga smuggled nga sigarilyo atol sa gikasang buy-bust operation didto sa Afga, Sibagat, Agusan del Sur.
Nahitabo ang operasyon niadtong nakalabay nga adlaw, isip kabahin sa hugot nga kampanya sa Philippine National Police batok sa ilegal nga tabako ug paglapas sa Republic Act No. 10643 o ang Graphic Health Warnings Law.
Napalitan sa nagpakarong-ingnon nga poseur-buyer ang suspek ubos sa pagdumala ni PCPT Sayson C. Cañete, hinungdan sa dinaliang pagdakop niini. Nakuha gikan sa posisyon sa dinakpan ang tulo ka ream sa sigarilyo, siyam ka pakete, pito ka pakete sa modernong sigarilyo, walo ka stick, ug ang gigamit nga 245 pesos isip buy-bust money.
Miabot sa gibanabanang ₱2,460 ang kinatibuk-ang market value sa mga nasakmit nga produkto. Samtang balhog na karon ang suspek sa prisuhan sa Sibagat MPS alang sa dokumentasyon ug pagpasaka sa tukmang kaso human usab gipahibalo ang iyang mga katungod ubos sa balaod.
Alayon niini, giawhag sa kapolisan ang katawhan nga magmabinantayon ug isumbong dayon ang bisan unsang ilegal nga kalihokan sa ilang dapit aron mapabilin ang kalinaw ug seguridad sa komunidad.
Photo courtesy: Sibagat MPS
