Mibalhin na si Pope Leo XIV sa bag-ong gi-renovate nga papal apartment sa Apostolic Palace sa Vatican City, nga nahimutang sa ikatulong andana ug nag-atubang sa St. Peter’s Square.
Ang maong apartment wala gamita sulod sa 12 ka tuig sa panahon nga Santo Papa si Pope Francis, nga mipili sa pagpuyo sa Domus Sanctae Marthae aron mas makig-uban sa ubang pari ug bisita sa Vatican.
Sumala sa Vatican, mobalhin usab sa apartment ang pipila ka suod nga aides sa Santo Papa samtang nagpadayon ang iyang pontificate nga hapit na moabot sa usa ka tuig.
Ang pagbalhin ni Pope Leo XIV sa tradisyonal nga papal residence giisip sa uban nga bag-ong kapitulo sa iyang liderato sa Simbahang Katolika.
Photo Courtesy: MANILA BULLETIN
