Gibasura sa mga lider sa Europa ang hangyo ni Donald Trump nga motabang aron masiguro ang kaluwasan sa paglabay sa mga barko sa Strait of Hormuz.
Sa gihimong panagtigom sa European Union sa Brussels, gipadayag ni Johann Wadephul, German Foreign Minister, nga wala sa plano sa ilang nasud nga moapil ang ilang militar sa tensyon nga nahitabo sa Iran.
Matod pa sa opisyal, nanginahanglan pa sila og klarong impormasyon ug mas lawom nga pagsabot sa sitwasyon, ug giingon nga dili kini giyera nga ilang gisugdan.
Gisuportahan usab ang maong baruganan sa pipila ka mga miyembro sa North Atlantic Treaty Organization o NATO.
Mahinumduman nga gihangyo ni Trump ang mga lider sa Europa nga motabang sa United States aron mapanalipdan ang mga barkong nag-agi sa Strait of Hormuz batok sa posibleng pag-atake gikan sa Iran.
Photo Courtesy:Fox News
