Nanguna ang Agusan del Sur, sa medal tally sa Caraga Regional Athletic Games 2026, human makahakot og daghang bulawang medalya sa nagkadaiyang sporting events sa maong regional competition.
Gipakita sa mga atleta gikan sa Agusan del Sur, ang ilang kusog ug talento sa nagkadaiyang dula sama sa athletics, basketball, volleyball ug uban pang sporting events nga maoy nakatabang aron sila manguna sa kinatibuk-ang ranggo sa maong kompetisyon.
Matod sa mga opisyal sa depEd ug mga coaches, bunga kini sa hugot nga ensayo, disiplina ug suporta sa lokal nga panggamhanan ngadto sa mga batan-ong atleta sa dakbayan.
Sa maong dula, nag sunod niini ang Butuan City, Surigao City, Agusan del Norte, Surigao del Norte, Siargao Island, Surigao del Sur, Cabadbaran City, Bayugan City, Dinagat Island, Bislig City, ug Tandag City.
Ang Caraga Regional Athletic Games usa ka tinuig nga kompetisyon nga nagtapok sa mga atleta gikan sa nagkadaiyang probinsya ug syudad sa rehiyon aron ipakita ang ilang talento sa sports ug mangandam alang sa mas dako pang kompetisyon sama sa national level.
Photo Courtesy: DEPED CARAGA
