Gipakita na sa Bangko Sentral ng Pilipinas ang ikatulong sensilyo sa 100-Piso Philippine Festivals Commemorative Coin Series nga mao ang Kaamulan Festival.
Ang disenyo sa sensilyo naghatag ug pasidungog sa pagkatawo ug panaghiusa sa 7 ka mga lumad nga grupo sa Bukidnon nga nagsaulog sa kapistahan dinhi syudad sa Malaybalay
Nasayrang mahimong mapalit ang matag sensilyo sa ₱5,000.00 karong Marso 19, 2026 sa BSP Pop-up Store, Kaamulan Capitol Grounds, Kaamulan Park, Malaybalay City, Bukidnon ug mapalit usab sa BSP Store karong Marso 26, 2026.
Base sa tibuok detalye sa maong commemorative coin sa Kaamulan Festival makita sa texture ang sama sa headdress nga simbolo sa Bukidnon ug uban pa
Nakigtambayayong ang Bangko Sentral ng Pilipinas sa Departamento sa Turismo ug sa National Commission for Culture and the Arts aron masiguro ang hustong impormasyon ug integridad sa kultura sa matag disenyo sa sensilyo.
Photo Courtesy: BSP
