Nagpadayon ang China sa pagpalig-on sa ekonomiya pinaagi sa pagpunting sa modernong teknolohiya bisan pa sa nagkadaiyang tensyon sa kalibutan.
Sa katapusan sa tinuig nga sesyon sa National People’s Congress, gi-aprubahan ang bag-ong lima ka tuig nga plano sa ekonomiya nga naghatag og dakong prayoridad sa teknolohiya sama sa artificial intelligence ug robotics.
Sumala kang Chinese Premier Li Qiang, target sa nasud ang economic growth nga 4.5% hangtod 5% sa 2026 aron makapokus sa dugayng pagpalambo sa ekonomiya.
Gi-aprubahan usab ang bag-ong balaod alang sa mga ethnic minorities ug gihisgutan ang mga sugyot nga maghatag og mas daghang pahulay sa mga trabahante, lakip na ang pagdugang sa minimum nga annual leave gikan lima ngadto sa napulo ka adlaw.
Sumala sa state media sa China, ang padayon nga paglambo sa nasud makatabang sa paghatag og kalig-on ug kasigurohan sa kalibutan.
Photo Courtesy: Bloomberg.com
