Nagpabilin nga stable ang supply ug presyo sa mga basic necessities ug prime commodities, sumala sa pinakabag-ong monitoring sa Department of Trade and Industry (DTI), taliwala sa kasamtangang pagtaas sa presyo sa produktong petrolyo.
Sa exclusive nga pakighinabi sa Juander Radyo Malaybalay kang Junar Merla ang DTI Bukidnon Consumer Protection Division Head giingong kadaghanan sa mga produkto anaa gihapon sulod sa Suggested Retail Price (SRP) sanglit adunay pipila ka produkto nga nisaka gamay ang presyo sama sa instant coffee ug uban pang dilata, apan kini nag-sugod pa sa wala pa ang giyera sa US, Iran, ug Israel.
Gipasabot sa DTI nga posible nga mosaka pa ang presyo sa umaabot tungod sa domino effect labina kay imported ang uban sa raw materials, ug sa posibleng freight costs
Sa bahin sa overpricing, giingon sa DTI nga wala pay napamatud-an nga sobra ang presyo human regular nga gimonitor ang presyo sa basic necessities ug prime commodities sa Local Price Monitoring Councils sa matag munisipyo ug siyudad.
Gihangyo karon ang mga retailers nga dili mag-take advantage sa sitwasyon ug kinahanglan aprubahan ang bisan unsang pagtaas sa presyo pinaagi sa DTI. Sa mga konsumidor, gi-awhag nga mag-maalamon sa pagpamalit, mag-report kung adunay abusadong presyo, ug pilion ang mas affordable nga produkto kung gikinahanglan
