Gikatakdang ablihan sa Marso 19, 2026 ang 2026 Northern Mindanao Regional Athletic Association (NMRAA) Meet diin ang mga estudyante-atleta gikan sa Rehiyon 10 maghiusa aron makigsangka sa lain-laing mga sports.
Ang opening program ipahigayon sa Bukidnon Sports and Cultural Complex sa Laguitas, Malaybalay City, kung asa pangulohan sa probinsiya sa Bukidnon isip host sa maong mga event.
Nagtumong ang kompetisyon sa pagpasiugda sa kamaayo, sportsmanship, ug panaghiusa sa mga batan-ong atleta sa rehiyon ubos sa temang “One Region, One Dream: Inspiring Excellence, Igniting Resilience.”
Una niini mihimo ug proactive nga lakang ang Department of Education (DepEd) Division sa Malaybalay City padulong sa regional athletic excellence pinaagi sa pagpatawag sa mga School heads ug coaches alang sa consultative conference nga nakatutok maong kalihukan.
Nagtigom ang mga magtutudlo ug sports coordinators gikan sa publikong elementarya ug sekondarya nga mga tunghaan sa tibuok dakbayan nga gipangunahan ni Schools Division Superintendent Cherry Mae L. Limbaco-Reyes, CESO V, sa tumong pag-estratehiya sa pag-apil, pag-align sa mga programa sa pagbansay, ug pagsulbad sa mga hagit sa logistics alang sa NMRAA Meet.
Kini nga panagtapok nagsiguro nga ang mga estudyanteng atleta dili lang andam nga makigkompetensya, apan gihatagan og gahum nga molampos samtang naglangkub sa mga sukaranan sa DepEd.
Kini nga inisyatiba nagpasiugda sa holistic nga pamaagi sa DepEd sa pagpalambo sa mga estudyante, pagsagol sa physical fitness uban sa leadership skills para sa 2026 school year.
Photo Courtesy: DepEd Malaybalay City
