Daghang angay nga konsiderahon kung iduso nga ipatuman ang 4-day workweek sa pribadong sektor tungod daghang mga negosyo ug trabaho ang maapektuhan.
Sumala pa ni Ray Talimio sa kanhi Oro Chamber President nga tuod adunay mga trabaho nga posible upat ka adlaw sa sulod usa ka semana o mosubay sa work from home nga set-up apan dili kini aplikable sa tanan.
Dugang pa niya nasabtan niya nga precautionary measure lamang kini aron nga makatipid sa enerhiya apan dili kini pwede himuong permanente nga balaud og ipatuman sa tanang industriya.
Gipunting sab niya nga labing maapektuhan niini nga sistema sa trabaho kadtong mga daily wage earner tungod kay no work no pay man sila. Nanghinaot lang sab siya nga lantawon kini sa mga employer nga makiangayon sa mga trabahante ug dili masupak ilahang mga katungod diha sa panarbaho ug benepisyo.
Samtang kung galing man mapatuman kining 4-day workweek, gilantaw ni Talimio ang posibito nga bahin kung asa ang naulahing mga adlaw sa semana, pwede sab sakmiton nga higayon sa mga trabahante aron nga makakita og sideline.
Photo courtesy: Panay News
