Nag-viral sa social media ang usa ka video sa usa ka mister nga nagbilin sa iyang lisensya sa botika aron makapalit og tamkbal para sa iyang misís, nga nay gihambin nga balatian.
Makita sa TikTok reel nga gi-post ni Jim Soriano nga ang lalaki misulod sa pharmacy aron palitan og antibiotic. Apan imbis nga kwarta ang ibayad, ning hangyo kini siya nga ibilin una niya ang iyang lisensya kay pagka ugma pa man siya makasweldo.
Bisan og medyo hinay ang dagan sa customers sa botika, gihimo gihapon ni Jim ang serbisyo ug gihatag ang mga kinahanglanon nga tambal.
Ang video nakadani og 1.6 milyon nga engagements ug 13.6K comments, diin kadaghanan sa mga netizens natandog sa istorya ug nangutana kung pila ang kantidad sa mga napalit nga tambal ug unsaon paghatag og tabang sa mag-asawa.
Gisundan ang unang video sa part two, diin makit-an na dala na sa lalaki ang misís niya. Pinaagi sa tabang sa netizens, gipadalhan ni Jim ang mag-asawa og tulo ka bag nga grocery supplies, nga ilang gidawat nga puno sa malipayong pagpasalamat.
Sumala ni Jim, natandog siya sa gibati ni Moises, labi na nga Valentine’s Day, Pebrero 14, nangadto kini sa botika aron palitan og antibiotic sa misís. Tungod kay wala siya’y kwarta, gi-prenda niya ang lisensya, bisan kini importante sa pagmaneho.
Sumala pa ni Moises, nga wala kabalo ang misís niya sa iyang gibuhat sa pagsulay nga manghulam sa mga kaila, ug tungod sa kakulang sa kwarta ug pahurot na ang tambal sa misís, nagdesisyon siya nga moadto sa botika.
Bisan pa man sa kalisod, dako kaayo ang tabang sa nga nadawat sa mag-asawa gikan sa netizens, dili lang sa mga tambal lakip na usab ang suportang grocery items nga ilang nadawat.
Photo Courtesy: cleanfuel
