Gipaningkamotan karon sa National Food Authority sa Misamis Oriental nga mapaabot sa katawhan nga anaa sa vulnerable sector ang ₱20 kada kilo nga bugas ubos sa programa sa nasudnong panggamhanan.
Sumala ni Kharren A. Retiza, Acting Branch Manager sa NFA Misamis Oriental, padayon ang ilang paningkamot aron masiguro nga makabenepisyo ang mga kabus ug mas nanginahanglan nga sektor sa komunidad.
Gipasabot usab ni Retiza nga abli ang buhatan sa NFA alang sa mga katawhan nga anaa sa vulnerable sector aron matabangan sa pagsulbad sa kamahal sa bugas, nga usa sa unang gikinahanglan sa matag panimalay.
Naglaum ang ahensya nga pinaagi sa programa, mas daghan pang pamilya ang makapalit og barato nga bugas ug mapagaan ang ilang adlaw-adlaw nga panginahanglan.
Photo courtesy: Cagayan de Oro City Information Office
