Aron paghatag og dalan sa mga talentadong Malaybalaynon nga mapakita ang ilang abilidad sa pag-awit gipasiugdahan sa lokal nga pagagamhanan ang tinuig nga kompetisyon “Search for Malaybalay Singing Ambassador” pinaagi sa City Tourism Office isip kabahin sa nakalinyang kalihukan syudad sa 28th Charter Day ning bulan sa Marso 2026
Sa esklusibong pakighinabi ning sibyahan kang Luis Clyde M. Salvo sa City Tourism office gitakda ang elimination rounds matag Sabado kung asa gisugdan niadto pang Pebrero 21, didto sa City Plaza sundan sa Poblacion District, Upper Pulangi ug North District, South District sa Marso 7 ug sa Basakan District sa Marso 14.
Sumala pa sa matag distrito, adunay pilion nga mga partisipante aron makompleto ang napulo (10) ka mga grand finalists, kansang magtigi sa umaabot nga Grand Finals karong Marso 21, 2026, nga pagahimoon sa City Hall Grounds, Barangay Casisang.
Nagpaabot nga ganti sa mga mananaog, sa 1st Place (Singing Ambassador) ₱25,000.00, 2nd Place (₱15,000) ug 3rd Place (₱10,000), samtang ang mga dili palaron makadawat gihapon og consolation prizes.
Gidapit sa City Tourism Office ang tanang katawhan sa pagtan-aw ug maglingaw sa maong kompetisyon nga abli alang sa publiko.
Photo Courtesy: Malaybalay City Tourism Office
