Nagpahibalo ang Land Transportation Franchising and Regulatory Board (LTFRB) nga posibleng mosaka ang pamasahe sa jeepney ug uban pang pampasahero kung moabot ang presyo sa diesel og Php60 kada litro tungod sa gubat sa Middle East.
Gipasabot ni LTFRB Chairman Vigor Mendoza nga ang pagtaas sa pasahe temporaryo lang ug pwede ibalik kung mo-ubos ang presyo sa gasolina. Gisulti usab niya nga ang tumong niini mao ang pagtabang sa mga drayber ug operator nga dili kaayo maapektohan sa mahal nga gasolina, nga dili pud masobraan ang mga pasahero.
Posible nga dili ra mosaka sa piso ang madugang sa pasahe sa jeepney, samtang ang uban nga public transport mahimong mas taas gamay. Apan giingon ni Mendoza nga una nilang tan-awon ang paghatag og fuel subsidies para sa PUVs kaysa direktang taas ang pasahe. Andam na ang LTFRB mag-release sa subsidy kung moabot ang presyo sa Dubai crude oil sa $80/barrel.
Gipasabot usab sa LTFRB nga kinahanglan nila magkoordinar sa DOLE ug uban pang ahensya aron masiguro nga dili kaayo maapektohan ang ekonomiya ug presyo sa mga produkto kung taasan ang pamasahe.
Photo Courtesy: Saksi Pinas
