Taliwala sa gitakda nga pagbukas na sa Cebu bus rapid transit kun Cebu BRT sa sunod bulan, matod ni Cebu City Mayor Nestor Archival nga mas maayo nga masulayan una og operate ang maong proyekto sa di pa ni hingpit buksan alang sa publiko.
Sumala pa nga gilauman nga mutambong sa opisyal na nga paggamit sa proyekto mao mismo si Presidente Ferdinand Bongbong Marcos Jr. lakip ang mga dagko nga mga opisyal gikan sa kauluhan lakip na ang Secretary sa Department of Transportion, Secretary Giovani Lopez.
Kahinumduman nga gipahibalo ni Lopez sa iyang pagbisita sa Sugbo bag-ohay lang nga gitakda nga sugdan na ang pagdagan sa mga buses sa una nga segment sa Cebu Bus Rapid Transit System diin gitan-aw nga makatabang sa di muminos 34mil ka mga commuters.
Diin ang biyahe niini, gikan sa Cebu South Bus Terminal ngadto na sa Fuente Osmeña Circle. Hinuon, daan na nga nag-ingon si Secretary Lopez nga mopahigayon una og dry run aron mahibaw-an kung adunay masinati nga mga problema sa dili pa ang pagsugod gyud sa pag-operate sa BRT.
