BARANGAY SA NEW CORELLA DAVAO DEL NORTE, GIPAILAWOM SA STATE OF CALAMITY

Gipailawom sa state of calamity ang unom ka mga barangay sa New Corella, Davao del Norte base sa rekomendasyon sa Municipal Disaster Risk Reduction and Management Council (MDRRMC).

Lakip niini ang mga barangay sa Mambing, New Bohol, Poblacion, Sta.Cruz, Mesaoy, ug El Salvador nga maoy labing naapektohan sa Shearline.

Tumong sa deklarasyon nga mas mapadali ang pagpagawas og pondo ug gilayong matunol ang tabang sa mga apektadong komunidad.

Samtang atol sa council meeting, gituki usab sa Municipal Agriculture Office (MAGRO) ang progress report on damages diin sa pagkakaron, adunay kinatibuk-ang damyos sa mga pananom nga mokantidad kapin milyon sulod sa 8 ka mga barangay sa lungsod.

Apektado sab ang mga isdaan sama sa hito ug tilapia nga anaa sa Php787,750.00 ang kantidad sa damyos alang sa 35 ka mga apektadong aquafarm operators gikan sa 8 barangays.

Padayong naningkamot ang Panggamhanang Lokal nga mapaabot ang tabang ngadto sa katawhan dungan sa kanunay nga panawagang magpabiling igmat ug magbinantayon sa lakat sa panahon aron masiguro ang kaluwasan sa tanan.