Usa ka lalaki sa Italy ang giingong nakahunahuna og “eco-strategy” — iyang gitrain ang iyang iro aron mao’y mopanglabay sa basura sa dalan.
Sumala sa mga otoridad sa siyudad sa Catania, nakit-an sa CCTV footage ang iro nga nagdala og plastic bag sa iyang baba ug gipanglabay kini sa kilid sa kalsada, dayon mobalik sa balay nga murag walay nahitabo.
Human sa imbestigasyon, giila sa pulis ang tag-iya sa iro ug gipamulta tungod sa iligal nga paglabay og basura ug paglikay sa bayad sa waste collection.
Matod pa sa lokal nga awtoridad sa ilang post sa Facebook, ang pagka-creative matod pa dili pasabot nga pwede na balewalaon ang disiplina ug responsibilidad sa komunidad.
Ubos sa balaod sa Italy, ang mapamatud-ang naglabay og basura iligal mahimong mamultahan og libo-libong euro — apan wala gyud klaro kung pila ang multa sa iro, kay wala man kunoy section ang balaod para sa “canine accomplice”.
Busa pahimangno sa mga otoridad: ayaw tudloi og sayop ang inyong mga iro, kay basin kamo ang mapreso samtang ang iro makalakaw lang gihapon ug basin mas disiplinado pa siya kaysa tag-iya.
Photo courtesy: istock
