Gihingusgan karun sa Philippine Sports Commission ang programa para sa mga atletang Pinoy ang pag-atiman sa ilang tin-aw nga panan-aw sa mata pinaagi sa bag-ong kolaborasyon nga ipahigayon karong Abril 9 ug 11 sa Rizal Memorial Coliseum sa Maynila.
Ang inisyatibo sa Philippine Sports Commission pinangulohan ni Chairman Patrick Gregorio, nga nagtumong nga masiguro nga ang mga elite national athletes, dili halap ang panan-aw ug dapat adunay tin-aw nga vision alang sa ilang tagsa-tagsa ka pinili nga sport. Giila niini nga dako ang papel kung dili halap ang aetlta panahon sa kompetisyon, ilabi na sa mga sport nga nagkinahanglan og “eye and brain coordination.”
Ang programa pangunahan sa mga eksperto sa optometry pinaagi nila Dr. Teresita Yambot ug Dr. Maris Paredes, kauban ang FDM Vision Care, Research and Training Institute. Gilauman nga kapin sa 500 ka partisipante, lakip ang mga national athletes ug college student-athletes, ang makabenepisyo sa maong kalihokan nga suportado sa PSC.
Kabahin sa programa ang espesyal nga training sa sports vision nga magtutok sa pag-atiman sa eye-hand coordination, depth perception, reaction time, ug focus. Giila nga ang sports vision usa ka espesyal nga bahin sa optometry ug sports science nga kinahanglan usab ang practice sa visual system kauban ang pagka kondisyon sa lawas aron matabangan ang mga atleta nga maabot ang ilang pinakataas nga potensyal, ilabi na samtang nangandam ang national team alang sa Asian Games sa Japan karong tuiga.
Photo Courtesy: PSC
