Pasado sa Hawak Kamay Scholarship sa PHINMA – South Western University ang 393 ka mga estudyante gikan sa South Cotabato human sila nakalusot sa scholarship exam nga gipahigayon sa maong programa.
Gikan sa kinatibuk-ang 579 ka aplikante nga ni-take sa maong exam, 393 niinni ang napiling benepisyaryo. Ang mga nakapasar makadawat og diskwento sa ilahang tuition aron makapadayon sa ilang pag-eskwela sa kolehiyo didto sa Cebu City ubos sa Hawak Kamay Scholarship Program sa Southwestern University PHINMA.
Sumala kang Atty. Rhonalyn Gallego, ang maong inisyatibo resulta sa mas pinalig-on nga kolaborasyon tali sa maong skwelahan ug sa Local Government Unit sa South Cotabato. Ang partnership nagtumong sa paghatag og mas daghang oportunidad sa edukasyon alang sa mga kabataan ning probinsya.
Gitinguha sa programa nga mamenus-menusan ang gasto sa mga pamilya ug mahatagan og dekalidad nga edukasyon ang mga estudyante nga gustong makab-ot ang ilang mga pangandoy. Padayon usab ang mga diskusyon alang sa mga mosunod pang proyekto aron mapalapad pa ang suportang pang-edukasyon para sa mga residente sa South Cotabato.
Photo Courtesy:PGCS
