Nasakpan ang usa ka pari sa Denmark nga nagdownload og 80,000 ka litrato ug 2,300 ka bidyo nga makita ang sexual nga pag-abuso sa mga bata o menor de edad, lakip na sa usab bisan sa iyang computer sa trabaho, depensa niini sa korte nga gibuhat niya kini matod pa, kay sama ra kini og “pagkolekta og selyo”.
Ang pari giila nga si Tom Thygesen Frederiksen, 60-anyos, miingon sa korte nga nagbasol siya sa iyang nabuhat sa pagpangolekta ug mga bidyo ug hulagway sa mga bata nga makitang gina-abuso pinaagi sa sekswal. Gibana-bana nga anaa sa 700 sa mga litrato mao ang pinakagrabe nga hulagway, diin makita nga grabi ang pag panamastamas sa mga bata ug gi-ayo ug pag-abuso.
Nakita sa kapulisan ang mga litrato ug bidyo human sila nag-imbestiga sa balay sa maong pari niadtong Mayo tuig 2024, human sila nakakuha ug impormasyon gikan sa usa ka file-sharing service. Dugang sa depensa sa Pari ngadto sa korte nga wala siya nagbayad para sa maong materyal ug wala matod pa siyay gusto sa mga menor de edad.
Apan giangkon niini nga naadik siya sa porn videos human niya i-klik ang usa ka link nga nakabutang ug “forbidden pictures”. Gisuspinde ang maong pari sa iyang trabaho isip parish priest ug sa wala madugay, nagresign usab kini. Gibutyag nga magpagawas ug desisyon ang korte karung Pebrero 25 kung pahamtangan ba ug pagkabilanggo o silot ang maong Pari.
Photo Courtesy: The Straits Times
