Magpatuman og mas hugot nga oversight ang Department of Agriculture sa food supply chain pinaagi sa mandatory registration sa tanang warehouses, cold storage facilities, ug uban pang agricultural logistics hubs, subay sa Anti-Agricultural Economic Sabotage Act.
Sumala sa bag-ong Guidelines for the Registry System for Agri Storage, tanang pasilidad nga nagtipig og produkto gikan sa agrikultura ug pangisda—bisan pag tag-iya o giabangan, o gi-operate sa third parties—kinahanglan magparehistro sa DA Online Registration System.
Lakip sa sakop sa registrasyon ang rice warehouses, onion cold storage, meat freezers, grain, refrigerated container vans, ug agricultural storage tanks alang sa lokal ug imported nga mga produkto.
Matod ni Francisco Tiu Laurel Jr., makatabang ang maong registry aron mapugngan ang smuggling, mapalig-on ang food safety monitoring, ug maprotektahan ang interes sa lokal nga mga prodyuser.
Gikinahanglan usab nga adunay kompleto ug ma-audit nga records sulod sa lima ka tuig ang mga negosyo, lakip ang storage capacity, klase sa commodities nga gihawiran, inventory levels, binulan nga operational records, ug quarterly electronic reports nga isumite sa mga may kalabutan nga regulatory agencies.
Gipahimangno ug gilatid usab sa guidelines ang posibleng violations ug sanctions. Dugang pa nga ang kapakyasan sa pagpresentar sa gikinahanglang dokumento kon pangayuon sa awtoridad ilhong paglapas, samtang ang kakulang sa updated operational reports mahimong magsilbing prima facie nga ebidensya sa noncompliance.
Pinaagi niini, target sa DA nga masiguro ang transparency sa agri-storage system ug mapanalipdan ang nasudnong suplay sa pagkaon.
Photo Courtesy: x.com
